Lucas 22,32
Sinabi ni Jesukristo
"Dalangin Ko, Simon Pedro
Panalig mo'y Manalo
Nang ang Kapwa alagad mo
Mapalakas mong Totoo
PANALANGING PAMBUNGAD
Ama naming makapangyarihan,
ipinakikiusap naming huwag mong ipahintulot
na madaig ng anumang mabigat na pagsubok
kaming naninindigan sa ibabaw ng batong si Apostol San Pedro
na Sumasampalatayang matapat sa iyong Anak na si Jesukristo,
na aming Tagapamagitan
kasama ng Espiritu Santo magpasawalang hanggan.
Unang Pagbasa
Pedro 5, 1-4
Bilang isa ring matandang tulad ninyo
nasaksihan ko ang mga paghihirap ni kristo.
Pagbasa mula sa unag Sulat ni Apostol San Pedro
Mga pinakamamahal, sa matatandang namamahala sa inyo, nanawagan ako bilang isa ring matandang tulad ninyo. Nasaksihan ko ang paghihirap ni Kristo at makahati naman ako sa karangalang nalalapit nang ipahayag, ipinamamanhik kong Alagaan ninyo ang kawang ipinagkatiwala sa inyo ng Diyos. pamahalaan ninyo ito ng maluwag sa loob, hindi napipilitan lamang, sapagkat iyan ang ibig ng Diyos, Gampanan ninyo ang inyong tungkulin, hindi dahil sa masakim na paghahangad ng pansariling kapakinabangan, kundi sa katuwang maglingkod; hindi bilang panginoon ng inyong mga kawan. At pag parito ng Pangulong Pastol ay tatanggap kayo ng maningning na koronang di kukupas kailan man.
Ang Salita ng Diyos.
SALMONG TUGUNAN
Salmo 22,1-3a,3b-4,5,6
Tugon:
Pastol ko'y Panginoong D'yos
hindi ako magdarahop
Panginoo'y aking pastol, hindi ako magkukulang,
Ako'y pinahihimlay sa mainam na pastulan,
at inaakay niya ako sa tahimik na batisan,
binibiyan niya ako niyong bagong kalakasan
At sang-ayon sa pangako na kaniyang binitiwan
Sa matuwid na landasi'y doon ako inaakay
Kahit na ang daang iyo'y tumatahak sa karimlan,
hindi ako matatakot pagka't ika'y kaagapay;
ang tungkod mo at pamalo ang gabay ko at sanggalang
Sa harapan ng lingkod mo, ikaw ay may handang dulang
ito'y iyong ginagawang nakikita ng kaaway;
nalulugod ka sa akin na ulo ko ay langisan
at pati na ang kalis ko ay iyong pinaaapaw.
Tunay na ang pag-ibig mo ang iyong kabutihan,
sasaaki't tataglayin habang ako'y nabubuhay:
doon ako sa templo mo lalagi at mananahan
Aleluya
Mateo 16, 18
Aleluya! Aleluya!
Ikaw, Pedro ang saligan
ng aking simbahang banal
na daing ang kamatayan.
Aleluya!Aleluya
MABUTING BALITA
Mateo 16, 13-19
Ikaw ay Pedro, at ibibigay ko sa iyo
ang mga susi ng kaharian ng langit.
+ Ang Mabuting Balita ng panginoon ayon kay San Mateo
Noong panahong iyon, dumating si jesus sa lupain mg Cesarea ng Filipos. Tinanong niya ang kanyang mga alagad, "Sino raw ang Anak ng Tao, ayon sa mga tao?" At Sumagot Sila, " Ang sabi po ng ilan ay si Juan Bautista kayo. Sabi naman ng iba, si Elias kayo. At may nagsasabi pang si Jeremias kayo o isa sa mga propeta." Kayo naman, ano ang sabi ninyo? Sino ako? tanong niya sa kanila. Sumagot si Simon Pedro, "Kayo po ang Kristo, ang Anak ng diyos na Buhay." Sinabi sa kanya ni Jesus, "Mapalad ka, Simon na Anak ni Jonas! Sapagkat ang katotohanang ito'y hindi inihayag sa iyo ng sinumang tao kundi ng aking amang nasa langit. At Sinasabi ko naman sa iyo, ikaw ay Pedro, at sa ibabaw ng batong ito ay itatayo ko ang aking simbahan, at hindi makapanaig sa kanya kahit ang kapangyarihan ng kamatayan. Ibibigay ko sa iyo ang mga susi ng kaharian ng langit: amg ipagbawal mo sa lupa ay ipagbabawal sa langit, at ang ip[ahintulot mo sa lupa ay ipahihintulot sa langit."
Ang Mabuting Balita ng Panginoon
PANALANGIN UKOL SA MGA ALAY
Ama naming Lumikha,
paunlakan mo ang pagdulog ng Simbahang naghahain at dumadalangin
upang sa pagtataguyod ni San Pedro bilang pastol
kami'y makarating sa iyong pamanang walang maliw
na siyang hantungan ng pananampalatayng itinuro niya sa amin
sa pamamagitan ni Jesukristo
kasama ng Espiritu Santo magpasawalang hanggan
UNANG PAGBUBUNYI O PREPASYO TUNGKOL SA MGA APOSTOL
Ang mga Apostol ay mga pastol ng bayan ng Diyos
Ama naming makapangyarihan.
tunay ngang marapat
na ika ay aming pasalamatan.
Ikaw ang Pastol na lagingh pumapatnubay
sa mga kabilang sa nililingap mong kawan.
ito ang ginanap na pananagutan
ng giliw mong Anak at Pastol ng tanan.
Ang mga Apostol ay kanyang mga katulang
sa pagiging pastol na patnubay ng sambahyanan.
Kaya kaisa ng mga Anghel
na nagsisiawit ng papuri sa iyo
mg walang himpay sa kalangitan
kami'y nagbubunyi sa iyong kadakilaan.
PAKIKINABANG
Mateo16,16.18
Wika ni Pedro kay jesus
'kayo'y Kristo, Anak ng D'yos."
At si Jesus ay sumagot
"ika'y Pedro, batong subok,
saligan ng bayan ng Diyos."
PANALANGIN PAGKAPAKINAPANG
Ama naming mapagmahal,
sa pagdiriwang naming ito ng kapistahan
ni Apoatol San Pedro
kami'y nakinabang sa katawan at Dugo ni krsito.
Ang ginanap naming pakikipagpalitang-handog sa iyo ngayon
ay maging panandang naglalahad nawa
ng pagkakaisa at kapayapaan
sa pamamagitan ni Jesukristo
kasama ng Espiritu Santo magpasawalang hanggan.
Podcast ng mga pagbasa mula sa awit at papuri
